Saturday, September 1, 2018

Bainhira ita buka artigu ka Materia balun ne'ebe relevante ho saida deit iha google, dalabarak ita sempre hetan artigu ka publikasaun sira ne'e husi Wikipedia. Maibe ita dalaruma laiha hanoin atu peskija konaba Saida mak Wikipedia ne'e rasik ? No se mak hakerek artigu hirak ne'e iha ne'eba ?
Nune'e iha biban ida ne'e hau hakarak akresenta ka fo konesimentu oituan konaba Saida mak Wikipedia no oinsa nia utilijasaun sira.


Saida mak Wikipedia?

Nafatin referensia husi Wikipedia akresenta katak Wikipedia hanesan projetu Ensiklopedia Multilingua (Lian barak) iha rede gratuita no nakloke ne'ebe dezenvolve husi Fundasaun Wikimedia (Wikimedia Fundation). Wikipedia mai husi liafuan rua hanesan WIKI no ENCYCLOPEDIA. Wikipedia lansa iha tinan 2001 husi Jimmy Wales no Larry Sanger, no agora dau-daun sai hanesan referensia boot liu ho dezenvolvimentu ne'ebe lais no Popular tebes iha mundu Internet. 

Konteudu Wikipedia bele kontribui husi se deit, nune livre ba ema hotu ne'ebe mak hakarak atu hakerek artigu ruma ba iha Wikipedia liu-liu ho lian Tetun. Presija Tebes ita nia inisiativu atu kontribui hodi hakerek iha Wikipedia ho Lian Tetun tuir saida deit mak ita hatene, tamba dau-daun ne'e mos artigu ho Lian tetun iha Wikipedia minimu teb-tebes.

Maneira Rejistu Account Wikipedia Tetun.

1. Hakerek tet.wikipedia.org iha ita boot sira nia Web Browser no hili Criar uma Conta ka Create Account























2. Prense Rekejitus hotu ne'ebe mak iha hanesan Naran, Password, email no ikus prense kodiku capcha hanesan iha imajem kraik, hafoin hili Cria a sua Conta ka Create Your Account























3. Parabens ita boot nia Conta Wikipedia rejistu ona ho susesu, ita boot agora dau-daun ne'e sai ona kontributor Wikipedia ho Lian Tetun.























4. Bele hakerek ona ita nia artigu ruma iha ne'e ka bele mos hakerek artigu hirak ne'ebe maka sei mean hanesan iha imajem leten.


Oinsa halo Publikasaun.

Iha maneira barak ita bele uja hodi halo Publikasaun, hakarak hili kor mean husi konteudu sira iha Wikipedia ne'e rasik mos bele, no hakarak buka konteudu sira iha wikipedia no karik la hetan bele hakerek tuir ita nia peskija iha lian sira seluk. Eziste mos Kriteria balun ne'ebe presija kumpri bainhira hakerek hanesan : tenki halo Bold ba liafuan hirak ne'ebe importante, tenki halo ligasaun ba liafuan sira ne'ebe hakerek ona ka ida ne'ebe seidauk hakerek no presija atu hakerek, utilija imajem ne'ebe rejultadu husi ita nian rasik, no mos kriteria sira seluk tan.

NB: Kor Ajul katak iha ona Publikasaun ba liafuan refere no Kor mean katak liafuan ne'e seidauk iha Publikasaun ida.

Prosesu halo Publikasaun:

1. Buka liafuan saida maka ita hakarak hakerek konteudu ka nia siknifikasaun, hanesan iha imajem kraik hau fo ejemplu ba liafaun Inkscape


2. Bainhira rejultadu fo sai mean katak seidauk iha artigu konaba Liafuan ne'ebe ita buka, hili ba hodi hakerek artigu ba


3. Bainhira loke ona liafuan refere, bele hakerek ona artigu konaba liafuan refere

















4. Bainhira hakerek hotu bele Publika ona iha butaun Publicar Pagina no bele hare nia rejultadu.























Nota : 
Iha ezemplu Publikasaun refere hanesan matadalan deit oinsa atu halo Publikasaun ida, maibe atu klarifika katak iha Publikasaun ida iha Wikipedia presija ho didiak no klaru tuir regra ka kriteria ne'ebe maka iha.

Hakerek saida deit mak ita boot sira senti katak importante no presija duni atu hakerek, atu area Saude ka Desportu ka Enjenharia ka Politika ka saida deit mak imi senti imi bele  hodi hakerek.


Obrigadu no Bom Susesu...

Ita nia kontribuisaun atu hakerek hodi fahe ba ita nia maluk sira mak baze kikuan ba dezenvolvimentu intelektual. 😉😉


6 comments:

  1. Kontenti, orgulho no apresia tebes ho prezensa husi blog www.fi-tecli.info ne'e. Alende dejeinu Blog ne'ebe furak, blog ne'e mos riku informasaun ne'ebe bele eduka tebes leitores sira hotu.

    Bravo www.fi-tecli.info

    ReplyDelete
    Replies
    1. Obrigado ba Suporta tomak maun sira...

      Ami konese buat barak tamba ami bele moris iha ambiente ne'ebe nunka baruk atu hanorin ami buat hotu,,,

      Obrigado FDSL no obrigado Maun boot sira hotu...

      Delete
  2. Tutorial nee kapas tebes alin Fidel. Kontinua nafatin fahe matenek alin ;)

    ReplyDelete
  3. There are two or three alternatives; this enormously relies upon the sort of wiki page being made. Wikipedia page creation

    ReplyDelete

SUPORTA HUSI

SUPORTA HUSI

VIZITANTE SIRA

Flag Counter

Kontaktu

Name

Email *

Message *

Subscribe

SPONSOR

Logo FI-TecLi.info

Publikasaun Popular