Tuesday, August 7, 2018

Agora dadaun, kuaje Timoroan barak mak seidauk hatene saida mak Google Classroom. ha'u rasik mos sei foun mai ha'u bainhira hau rona nia naran iha semana hirak liu ba. Maibe iha materia ida ohin, hau sei koko hodi fahe oituan konaba saida mak Google Classroom ho nia utilijasaun sira bajeia ba hau nia peskija durante ne'e.


Saida mak Google Classroom?

Google Classroom hanesan Sistema aprendizagem ne'ebe dezenvolve husi Empreja boot Google ba servisus de aprendizagem (escola). Google Classroom ida ne'e projetadu atu simplifika Kriasaun, distribuisaun no atribuisaun tarefe sem papel ka surat tahan.
Professores no Estudante sira hotu bele rejistu no halibur malu iha ne'e ho deit account google nian ka gmail. Seidauk iha gmail? Bele hare nia prosesu rejistrasaun sira iha ne'e "KARTA ELETRONIKU GMAIL".

Atu dehan deit katak Google Classroom ajuda tebes Professor no Estudante sira bainhira iha Traballu, atu fahe Module ka atu hatoo kestaun ruma, no saida deit bele fahe ba malu iha ne'eba.


Oinsa atu Rejistu Google Classroom??

Molok atu tama iha prosesu rejistrasaun, halo favor rejistu gmail ba dahukuk.  No karik gmail iha ona ita boot sira bele halo tuir prosesu rejistrasaun Google Classroom iha okos:

1. Tama iha ba iha Google Classroom. Karik seidauk Login ba gmail halo favor login uluk lai. Hafoin hili Continue.


2. Hafoin hili butaun + hodi Kria ita nia Klase. Maibe karik hakarak Join ba Klase seluk hili Join class pois hatama kode husi klas nebe ita hakarak join. Maibe iha ita nia materia sei aprende atu Kria Klase entaun ita sei hili Create Class.


3. Tau vistu tiha depois hili Continue:


4. Ense Naran Klase no Komentariu balun konaba  Klase refere:



5. Parabens ita boot iha ona Klase ba materia balun ne'ebe rejistu ona.



Utilijasaun Google Classroom

Bainhira halo rejistrasaun lao ho susesu, maka bele hatama ona estudante sira no mos  Professor iha Klase laran. Bele hare iha prosesu hirak tuir mai:

1. Bele aumenta ka hatama estudante sira iha STUDENTS ka bele fahe mos Code Klass atu nune se mak hakarak join bele mai deit.



 2. Karik hakarak hatama Profesor bele ba iha About, hafoin hili INVITE TEACHER


NB: Baihira hatama Esudante ka Professor balun sei presija konfirmasaun husi kada email ne'ebe maka hatama, hafoin maka nia bele join.

3. Bainhira hatama ona Professor no Estudante maka ita bele hahu ona ita nia  aula ba loron ida ohin😂😁 Bele fo ona materia ho modelu pdf ka halo Pergunta ruma ka komentaru ka saida deit maka presija atu halo bele halo ona:


NB: Bele halo limitasaun asesu ba estudante sira, ezemplu deit dehan estudante so bele halo komentariu ka so uniku Professor mak bele hatama materia nohalo komentariu no seluk tan...

To'o iha ne'e deit ba iha materia Google Classroom ne'ebe hau bele fahe, buat balun ne'ebe karik seidauk klaru entaun halo klaru rasik ba ho maneira koko. Obrigadu no Bom Susesu😊



6 comments:

  1. Replies
    1. Hehehe sim...

      Gratuita maibe presija Unlimited wkwkwkww....

      Delete
  2. I love the way you write and share your niche! Very interesting and different! Keep it coming! uy 1 Star Reviews

    ReplyDelete
    Replies
    1. Thank you very much!
      By the way, can you understand our language?

      Delete
  3. Very informative post! There is a lot of information here that can help any business get started with a successful social networking campaign. top light therapy lamp

    ReplyDelete

SUPORTA HUSI

SUPORTA HUSI

VIZITANTE SIRA

Flag Counter

Kontaktu

Name

Email *

Message *

Subscribe

SPONSOR

Logo FI-TecLi.info

Publikasaun Popular