Wednesday, August 15, 2018


Daudaun ne'e ejiste dezenvolvedores barak mak dezenvolve aplikasaun sira ba Plataforma Linux. Buat hirak ne'e tamba husi loron ba loron utilijador Linux aumenta ba beibeik. Ita bele dehan katak agora daudaun Linux bele utilija iha area Profesional no Profisaun saida deit, hahu husi Mediku😅, Programmer no saida de'it, inklui Video Maker sira.




Koalia konaba Video, iha Linux rasik ejiste Aplikasaun barak tebes hodi atu editing ba Video. Hahu husi edit Video kiik ka simples to'o ida boot ne ka Profesional hanesan edit Filme. 
Karik ita boot utilijador Linux no agora daudaun buka hela aplikasaun hodi edit video, maka ita boot la loke sala Publikasaun.

Aplikasaun 5 Video Editor Linux nian ne'ebe famoju liu :




Ate agora, Lightworks hanesan aplikasaun video editing gratuita ne'ebe kapas liu. Ho faktu katak Filmajem barak tebes maka utilija aplikasaun refere hodi halo editing hanesan The Wolf of Wall Street, LA Confidential, Pulp Fiction, Heat, Road to Perdition, Hugo, The King’s Speech no sira seluk tan.

Ho era dezenvolvimentu ne'ebe to'o ona tinan 25, Lightworks hanesan aplikasaun video  editing ne'ebe kompletu tebes ho ona ho nia tools no menu sira ne'ebe hafasil prosesu editing ba video ka filme ruma.

Maneira Instalasaun ho Terminal:

sudo wget http://downloads.lwks.com/v14/lwks-14.0.0-amd64.deb
sudo dpkg -i lwks-14.0.0-amd64.deb
Karik iha error ruma bele aumenta:
sudo apt-get -f install



Kdenlive hanesan aplikasaun editing video ne'ebe mak dezenvolve husi komunidade ne'ebe dezenvolve KDE. Kdenlive hanesan video editor ne'ebe laos deit dezenvolve ba Linux, maibe mos ba freeBSD no Mac.
Kdenlive eziste ba distribuisaun Sistema Operativu Linux nia barak husi  Archlinux, Debian, Fedor, Ubuntu, elementary OS, Gentoo, no sira seluk tan. No Kdenlive mos hanesan video editing ne'e ha'u gosta liu hodi utilija.

Maneira Instalasaun utilija Terminal:

sudo add-apt-repository ppa:kdenlive/kdenlive-stable
sudo apt-get update
sudo apt-get install kdenlive





OpenShot mos hanesan Video Editing ne'ebe mos Powerfull hanesan Lightworks dan Kdenlive. Tamba ho faktu ne'ebe hatudu bainhira OpenShot manan Premiu nu'udar aplikasaun Open Source diak liu iha kategoria Video Editor.
OpenShot nia vantajem entre sira mak hanesan Cross-Plataform (Linux, Windows no MacOS), Trim no Slice, Animation no Keyframes, Unlimited Tracks, Video Effects, Title Editor, Audio Waveforms, 3D Animations, Slow Motion no Time Effect, no sei barak tan. OpenShot mos ejiste mais de 70 lingua, maibe seidauk ezite iha Tetun, karik loron ida sei ejiste mos ho lian Tetun.

Maneira Instalasaun utilija Terminal:

sudo add-apt-repository ppa:openshot.developers/ppa
sudo apt-get update
sudo apt-get install openshot-qt libopenshot*

Karik falla bele utilija mos:

sudo add-apt-repository ppa:openshot.developers/ppa
sudo apt-get update
sudo apt-get install openshot openshot-doc




Lightworks, Openshot no Kdenlive hanesan aplikasaun editing video ne'ebe powerull no popular ne'ebe utilija husi utilijador linux. Maibe iha mundu Open Sorce, sempre iha eskolla barak atu hili hodi uja. Aplikasaun video editing seluk ne'ebe mos la lakon Powerfull hanesan FlowBlade.
FlowBlad hanesan aplikasaun Open Source no Multitrack video editor non-linear iha Linux. Flowblad foin mak dezenvolve iha 2012 no to'o agora dau-daun eziste ona versaun ha'at maka 0.12. 

Maneira Instalasaun:

Uluk nanain ita download lai aplikasaun FlowBlad iha ne'e "DOWNLOAD FLOWBLAD"

Instalasaun utilija Terminal:

Bainhira Download ona, loke fali folder husi download refere no bele halo instalasaun ho terminal ho maneira:

sudo dpkg -i ./(tau aplikasaun ohin download ne'e nia naran)

ezemplu:

sudo dpkg -i ./flowblade-1.16.0-1_all.deb 

No hotu tiha ka error ruma bele utilija komandu hanesan:

sudo apt-get install -f





Cinelerra  dezenvolve tiha ona ita tinan 1998 no agora daudaun atinji ona versaun 7. Tuir informasaun ne'ebe fo sai iha nia website ofisial, Cinelerra konsege download ona dala 5 millaun. Hanesan mos ho Lightworks, Cinelerra mos hanesan aplikasaun video editing ba Filme.
Eziste Tools ne'ebe barak tebes ne'ebe funsiona hodi halo ka edit ita nia filme sai furak liu ho nia efek sira, menu edit, fo textu, no sei iha seluk tan.


Maneira Instalasaun utilija Terminal:

sudo add-apt-repository ppa:cinelerra-ppa/ppa
sudo apt-get update
sudo apt-get install cinelerra-cv



Ida ne'e mak aplikasaun 5 Video Editor Linux nian ne'ebe famoju liu tuir FI-TecLi nia peskija. Ida ne'e hotu ita bele hetan ho gratuita. Ita boot bele koko hotu aplikasaun 5 iha letan ne'e no hodi senti ita ne'ebe mak ita boot gosta liu no toman liu no kona ho ita boot nia nesesidade.

Dala ida tan Bom Susesu!!!😊😊


Nota: Kritika no sujestaun bele rai hela komantariu ruma iha koluna okos.


12 comments:

  1. Hau gosta tebes mak Cinelerra. Mesmu susar tebes wainhira foin hahu utiliza aplikasaun ne'e hodi edita video, maibe rezultadu husi editing no rendering uza Cinelerra kapas tebes.

    Maibe kontenti liu mak ho prezensa blog ne'e, tamba bele fahe ona informasaun no referensia siensia teknolojia informasaun gratuitamente ba Leitores tomak.

    Salute...

    ReplyDelete
    Replies
    1. Sim Maun, tapi cinelerra ne'e lao iha hau nian todan oituan tamba lap RAM kiik liu,,,,,

      heheh Obrigado barak Maun boot...

      Delete
  2. Obrigada ba referensia nee, hau koko install openshot no lao duni.

    Agradese wain ba artiklu hirak nee

    ReplyDelete
    Replies
    1. Ya agradese mos ba Vizita....

      akompanha nafatin artigu hirak tuir mai ya... heheheee

      Delete
  3. Artiklu ida nee ajuda tebes atu halo video editing...

    ReplyDelete
    Replies
    1. Sim Klaru Maun...

      Obrigadu no keta haluha vizita nafatin www.fi-tecli.info ya maun...
      hehehee...

      Delete
  4. Salute tbes ho prezenca bloges id neeee obrigdo ba info htu nbe hasae tan konnesimentu iha ciencia tecnologia komputador

    ReplyDelete
    Replies
    1. Obrigadu barak,,, Espera blog ne'e sei hele fahe informasaun balun ne'ebe le'e nain sira presija...

      Delete

SUPORTA HUSI

SUPORTA HUSI

VIZITANTE SIRA

Flag Counter

Kontaktu

Name

Email *

Message *

Subscribe

SPONSOR

Logo FI-TecLi.info

Publikasaun Popular