Tuesday, October 17, 2017


Maluk sira, hakarak aprende Komandu Baziku CLI iha Linux ka babain ita toman temi komandu Terminal Linux, bele asesu iha ne'e hodi aprende nia tutorial ho ita nia lian Tetun rasik.....😉😇😊










Tuesday, July 4, 2017

A. Saida mak Oracle VM VirtualBox.
    

Oracle VM VirtualBox hanesan aplikasaun virtualizasaun ida, ne’ebe bele halo instalasaun ba Sistema Operativu sira (Windows, Linux, etc...) iha laran, katak husi nia ita bele ezekuta sistema operasaun ida iha Sistema Operasaun ne’ebe ita uja ne nia laran. Ezempu hanesan agora dadaun hau nian ne’e, hau uja Sistema Operativu Open Source nian ho naran Ubuntu (Distro Linux nian), maibe hau hakarak koko no aprende tan sistema operasaun seluk, entaun Virtualbox bela ajuda ona hau. Virtualizasaun refere diferente ho Dualboot, tamba dualboot ne’e ita sei labele asesu ita nia sistema operasaun rua ne’e aumesmu tempu, maibe Virtualbox bele ajuda ona hau atu bele asesu ba hau nia sistema operasaun rua ne hotu. Funsaun refere importante teb-tebes tamba bainhira ema ruma hakarak aprende halo instalasaun ka atu koko sistema operasaun balun hanesan asimulasaun simples ida, nia sei la tauk atu lakon nia data ka fallansu ruma ba nia dados. Aplikasaun ne’ebe ho nia funsaun hanesan ho VirtualBox ka ita hanaran Aplikasaun Virtualizasaun sira seluk mak hanesan Vmware, Microsoft Virtual PC no seluk tan. Sistema operativu ne’ebe bele uja VirtualBox mak hanesan Linux, Mac OS, Windows, no seluktan. 


B. Historia Badak.

    Aplikasaun refere dazenvolve husi kompania Alemanha ida ho naran Innotek, no fofoun sei uja Lisensa Proprietari (ka  Close Source). Hafoin iha janeiru 2007 lansa fali VirtualBox Open Source ba versaun 2 ho lisensa GPL (GNU General Public License). Iha fevereiro 2008 kompania Sun Microsystem mak hola tiha, no to ikus sai Oracle Coperation nian tamba iha 2010 kompania Oracle coperation hola tiha kompania Sun Microsystem.


C. Maneira Instalasaun.
Preparasaun :
  • Laptop ne’ebe iha OS Linux ka Windows.
  • Tenke iha koneksaun ba Internet.

Install ba Linux uja Terminal:

1. Ba dahuluk loke terminal, bele hanehan Ctrl + Alt + T

2. Bainhira asesu ona ba Terminal, tenke tama uluk hanesan Root. Hakerek sudo su iha terminal pois tau Password ba





3. Hafoin hakerek apt-get install virtualbox





4. Se mosu eskolla hanesan ne’e Y/N entaun hili Y poin Enter



5. Hein to remata, hafoin hotu tiha hakerek apt-get install virtualbox-qt





6. Hein to Konfigurasaun VirtualBox remata





7. VirtualBox install hotu ona, bele uja ona. Bom Susesu....



Halo instalasaun ba Windows :

1. Ba dahuluk nian, ita tenke download lai aplikasaun refere iha link tuir mai ne’e https://www.virtualbox.org/wiki/Downloads hili be Windows hanesan iha imajem tuir mai ne’e :




2. Download hotu tiha, tama ba iha instalasaun nian. buka file aplikasai ne’ebe ohin download ne’e hodi install




3. hili de’it Next > no sei mosu mai fatin ne’ebe VirtualBox sei instala ba





4. Hakarak mantein ho nia default mos diak ka kolega sira bele muda ba fatin seluk instalasaun VirtualBox tuir kolega sira nia gostu, hafoin hili Next




5. Sei hili konaba Shortcut nian, hakarak ho nia defaul deit entaun hili nafatin Next >




6. Hafoin mosu mai hanesan iha imagem leten ne’e, hili mak Next >



7. hotu tiha nia sei mosu hanesan iha leten ne’e (Ready to install), hili install





8. Prosesu lao hela, ba iha etapa ida ne’e ladun kleur, maizumenus minutu 3, maibe ne’e mos depende fai ba kolega sira nia spek komputador nian.




9. Prosesu hotu tiha, kolega sira hein tau vistu deit iha liafuan "Start Oracle VM Virtualbox 4.2.12 after Installation" (hare imajem leten) hafoin hili Finish.

Se hotu ona sei mosu hanesan iha imajem tuir mai ne’e





10. Hotu ona. Bele uja ona, Bom Susesu....!!!!






SUPORTA HUSI

SUPORTA HUSI

VIZITANTE SIRA

Flag Counter

Kontaktu

Name

Email *

Message *

Subscribe

SPONSOR

Logo FI-TecLi.info

Publikasaun Popular