Sunday, February 23, 2020



Ola belun Le'e nain sira hotu, imi diak ka lae? Tristi tebes tamba Blog ida ne'e paradu kleur ona ka bele dehan kleur tebes la Update. Maibe agora ba oin hakerek nain sei kontinua Update materia sira relevante ho Teknolojia nebe agora popular tebes. 

NB: Karik imi iha Sujestaun ruma konaba Materia balun ne'ebe imi hakarak hatene relevante ho Teknolojia, bele halo komentariu atu nune'e hau bele hakerek iha publikasaun tuir mai.

Materia ba loron ohin sei koalia konaba Aplikasaun saida deit maka ita presija kuandu hakarak sai "Content Creator" ho Telemovel (Smartphone). Ba imi ne'ebe seidauk iha Channel YouTube bele hare iha Publikasaun ida ne'e: "Konese no Utilija YouTube". 



Era teknolojia halo Mundu sai kloot ba dadauk, tamba sa? Ho Prejensa Teknolojia ema hotu bele asesu ba saida deit maka nia hakarak hatene, hakarak hare. Plataforma ne'ebe Dezenvolve husi Google ho naran YouTube, permite ema hotu atu bele asesu informasaun hotu iha ne'eba ho vizual, no keta haluha mos katak alem de asesu informasaun, ita mos bele fahe ka publika informasaun iha ne'eba.

Hakarak halo video no publika iha YouTube, maibe laiha fasilidade ne'ebe mak diak hanesan : Laiha Camera ne'ebe diak, laiha Laptop ne'ebe diak atu edit, nst. Imi bele halo buat hirak ne'e hotu ho imi nia Telemovel (Smartphone). 

Aplikasaun ne'ebe imi presija atu sai Konten Kreator ka YouTuber ho deit Telemovel maka tuir mai ne'e:

1. Kamera Telemovel.

Uja telemovel ne'ebe iha Kamera (Laiha kamera sa susar😂😂) . Aplikasaun Kamera nian ne'ebe iha imi nia telemovel presija tebes atu imi Domina, atu nune imi bele foti video ne'ebe kapas konserteja. Maibe hau mos rekomenda aplikasaun Kamera balun ne'ebe karik imi bele koko, mak aplikasaun Open Camera. Aplikasaun Kamera ida ne'e kapas tebes, tamba ita bele setting Kamera hanesan ho Kamera Profesional sira (Depende mos ba Telemovel nia kualidade), maibe Kamera refere bele halo Manual Focus no Auto Focus, Bele maneja nia Naromak tuir ita nia hakarak no buat seluk tan ne'ebe kapas husi aplikasaun refere.



2. Aplikasaun ba Editing : Video no Foto.

  • Video Intro : hanesan video badak ho durasaun 3 - 15 segundus hanesan ne iha parte dahuluk nian husi video tomak. Karik ladun komprende video Intro bele hare iha ne'e "FI-TecLi". Video Intro bele halo uja aplikasaun hanesan ho aplikasaun edit video ba konteudu nian, bele mos uja aplikasaun hirak ne'ebe ejiste ona Template ba Video Intro nian hanesan : Video Maker, PixelFlow, nst. Hili Aplikasaun ne'ebe imi toman no fasil ba imi, la presija hili hotu aplikasaun hirak ne'e.



  • Video Konten (Konteudu) : Bainhira halo Video hotu tiha, ita tama ba iha prosesu Edit nian. Aplikasaun Telemovel hodi edit video mak : KineMaster, VivaVideo, FilmoraGo, Power Director Video Editor Android, no sei iha barak tan. Hili no koko aplikasaun hirak ne'e depende imi nia toman. Maibe entre hirak ne'e hau toman liu maka KineMaster. Maibe imi la presija hanesan hau nian mos diak, importante hili ida ne'ebe imi rasik senti konfortavel atu halo editing. 

  • Foto Thumbnail : Bainhira ita hare video sira iha YouTube, molok ita loke video hodi asiste (nonton), imajem ne'ebe mosu iha video ne'e nia oin maka ita bolu thumbnail. Uluk bainhira hau rasik seidauk hatene Thumbnail, dalaruma hau sempre mosu konfujaun, tamba iha thumbnail balun lahanesan ho video ne'ebe ita hare, no ida ne'e akontese bebeik. Tamba Thumbnail ne'e halo atu atrai ema hodi klik ita nia video refere. Tamba ne'e presija mos Foto ne'ebe kapas. Edit Foto ba thumbnail bele uja aplikasaun hira ne'e: PixelLab, Thumbnail Maker, no seluk tan...




3. Aplikasaun YouTube.

Bainhira ita iha ona Video ne'ebe mak kapas no iha ona Thumbnail ne'ebe Wow😂, agora templu atu Upload. Imi iha ona Channel To? Se laiha kria lalais ona😁.
Aplikasaun YouTube iha telemovel barak tebes, bele asesu ba YouTube husi Web Browser nebe mak iha hanesan Chrome ka Firefox sira ne'e. Maibe hau prefere liu ita uja aplikasaun YouTube nian kedas tamba fasil no lais tebes, aplikasaun hira ne'e mak :


3.1 YouTube.
Aplikasaun YouTube kuaje iha ita nia telemovel iha hotu ona, liliu android. Se laiha entaun bele download no instala ba ita nia telemovel. Husi aplikasaun YouTube ita bele ho fasil atu Upload ka hatama ita nia video ba YouTube ho Fasil.


3.2 YT Studio.
Aplikasaun ida ne'e ita utilija atu halo monitorijasaun ba ita nia Channel YouTube konaba Komentariu, Grafiku sira, bele mos edit deskrisaun ka titulu balun husi ita nia video ne'ebe maka la los. No husi aplikasaun ida ne'e mos ita bele troka ka hatama Thumbnail ba Video ne'ebe ita Upload ona iha YouTube.


Bainhira Aplikasaun hirak ne'e iha hotu ona, maka ita bele kria ona ita nia Video hodi Publika iha YouTube ho deit telemovel...

Obrigado ba kolega sira hotu ne'ebe le'e ona publikasaun ba loron ohin nian, karik iha sujestaun balun bele halo komentariu iha okos atu hau hadia diak liu tan hau nia konteudu sira iha Blog ne'e. Keta haluha share ba imi nia kolega sira hotu atu nune'e sira mos bele hatene saida mak imi hatene, Abrasu...




Iha loron hirak liu ba hakerek nain Upload materia balun konaba Maneira Hamos Folder (Diretoriu) no File uja Java NetBeans IDE. Maibe agora dadaun ita sei aprende oituan konaba oinsa ita atu Troka FIle ka Folder ne'ebe iha ita nia Laptop laran nia naran tuir ita nia hakarak uja Coding JAVA Netbeans nian... Dalabarak ita Troka Folder ka file saida deit pasti ita troka diretamente iha Rename nian, maibe ita koko halo tok mudansa hodi uja Coding. 
Nia Vantajem iha maneira refere, bainhira ita hatene ona oinsa hamoos Diretoriu, Troka Diretoriu nia naran, Kria Diretoriu no seluk tan iha NetBeans; ita sei bele implementa bainhira ita kria Project bo-boot sira, hanesan Kria Aplikasaun Balun (Game) ka saida deit; tamba ita aplikasaun hirak ne'ebe ita Kria, bainhira ita install ba Laptop pasti nia sei Kria Folder, no seluk tan. Atu hateten deit katak maneira kikuan-kikuan hirak ne'e importante tebes no sira ne'e hamutuk mak ita foin bele Kria Projetu boot sira.


Ok Diak Belun sira, tuir mai ita ba hare Maneira Rename ka Trona Naran husi Folder ka File ne'ebe iha ita nia Laptop laran :

1. Hanesan babain, Loke Aplikasaun NetBeans IDE hodi kria tiha Project ida;

2. Hafoin tau Coding iha kraik ne'e iha ita nia Project Ne'ebe Kria tiha ona:

public static void main(String[] args) {
    File NaranAntes = new File ("/home/fidel/Desktop/Lukas");
    File NaranFoun = new File ("/home/fidel/Desktop/Ryo");
    boolean Rezultadu = NaranAntes.renameTo(NaranFoun);
       if (Rezultadu)
              System.out.println("File refere troka tiha ona nia naran ho Susesu");  
       else
              System.out.println("File nia naran seidauk troka tamba iha erru ruma");
      }

3. Bainhira ita tau Coding refere maka sei Importa tama coding File nia data ba iha Project refere, atu nune nia bele lee Coding File ne'ebe iha.



4. Bainhira hotu tiha, Klik liman loos hodi hili Run File ka hili butaun Running, no rezultadu mosu mai iha oin ruan:


  • File refere Rename tiha ona ho susesu entaun mosu mai :


  • File refere la Rename sei mosu mai hanesan iha imajem kraik ne'e:
 5. File refere sei la konsege troka nia naran bainhira iha fallansu ruma iha coding ka iha Lokalijasaun file nian seidauk idantifika klaru;

6. iha ne'eba hau troka file ida iha Desktop ho naran Lukas "/home/fidel/Desktop/Lukas"; maibe ita boot sira troka tiha lokasi sira ne'e tuir ita boot sira nian. No file ida Lukas ne'e hau troka tiha ho naran Ryo "/home/fidel/Desktop/Ryo", ita boot sira bele troka tuir ita boot sira nia lokalizasaun no naran foun ne'ebe ita boot sira harakak tau;

7. Bom SUSESU...!!!

Saturday, June 15, 2019


Ok diak Guys,,, Bemvidndu mai iha Blog  FI-TecLi, materia ba publikasaun ida ne'e maka Maneira Hamos Folder (Diretoriu) no File uja Java NetBeans IDE.



Ne'e duni ba kolega sira ne'ebe hakarak hatene klaru liu tan bele KILK IHA NE'E.

Ola Belun Programador/a sira... Ita hatene katak bain-bain ema foin aprende sai Programador ka Programmer liu husi aprende Linguajem Programasaun sira, liafuan ne'ebe sira uja iha sira nia testing ka run ba dala uluk mak liafuan Ola Mundu, Hello World, ka Helo dunia...



Hakarak Aprende oinsa fo sai liafuan hirak ne'e ho Linguajem Programasaun JAVA iha NetBeans IDE, bele KLIK IHA NE'E.



Mundu Teknolojia nia prejensa halo mudansa husi manual sai dijital, halo buat ne'ebe araska sai fasil no halo buat hotu sai lais. Husi aplikasaun hirak ne'ebe dadaun ne'e ita utilija atu hafasil serbisu balun ho lais tebes kompara ho antes. Maibe presija ita hatene katak buat hirak ne'e hotu iha ema ruma ka grupu ruma maka kria ho nia esforsu no kapasidade tomak, ema hirak ne'e kuaje hatene no utilija buat ida naran Linguajem Programasaun. 



Tuir historia komputer nian, linguagem programasaun hahu rekonhese iha wainhira halo pesquija ba komputer digital iha tinan 1940-an. Linguagem programasaun hahu desenvolve besik tinan 1950-an no hahu ho lingua assembly  ne’ebé desenvolve husi komputer hodi haruka ba necessidade komersial nian.
Linguagem komputer ne’ebé mak primeira vez mosu mak FORTRAN ho ninia sigla mak hanesan formula translation. Linguagem ida ne’e halo husi  Jonh Bacus besik tinan 1950-an no to fali tinan 1960-an. Linguagem ida ne’e ninia benefisiu bot ba iha parte economia, bank no akuntabilidade.
            Depois de ida ne’e, linguagem programasaun hahu desenvolve ho ninia modelo ne’ebé mak diferente no ho funsaun ne’ebé mos lahanesan. Linguagem ne’ebé hahu desenvolve iha tempo ne’ebá mak hanesan COBOL ho ninia sigla mak Common Bussiness oriented Languange ne’ebé pesquija husi Grace Hopper no LIST ho ninia sigla mak List Processing ne’ebe mak pesquija husi Jhon McCarthy.No tuir fali mai, linguagem programasaun ne’e desenvolve liu tan no mosu tan linguagem programasaun sira seluk ne’ebé ho level a’as no multifuntion hanesa C, C++, BASIC, PASCAL no ADA. 


< Definisaun >

Linguajem Programasaun ka babain ema bolu dehan linguejem Komputador refere linguajem ida ne’ebe ema utiliza hodi haruka, manda ka fo instrusaun ruma ba Komputador ka ita ema uja hodi halo interasaun ka komunikasaun ho Komputador. Linguajem refere hanesan mos ho linguajen ita ema nia (Tetun, Ingles, Fataluku), katak bainhira ita komprende linguajem refere maka ita bele komunika ho Komputador.
/* Objetivu */
Objetivu Prinsipal husi Linguajem Programasaun mak ita Utilija hodi rejulta Projetu balun (Aplikasaun Komputador, Aplikasaun Android, ka Website)  atu rezolve Problema no nesesidade sira ne’ebe iha. Ezemplu hanesan Email, ema Uja linguajem Programasaun hodi rejolve Problema konaba Transferensia dadus ne’ebe iha momentu ne’eba sei manual, nune agora dadaun problema refere rejolve tiha ona ho prejensa Email no bele mos Sosial Media.
{ Algoritmu }
Hanesan Estrutura ka Formula ida hodi rezolve Problema sira utilija Linguajem Programasaun ho maneira Analiza Problema, Rezolve no Implemeta.

Ezemplu konaba Estrutura ka Algoritmu ne’ebe ita hasoru iha ita nia moris loron-loron.


Algoritmu Kose Nehan (Objetivu atu ita nia nehan moos, morin, Saudavel):
          1. Tama Haris Fatin;
          2. Prepara Sasan sira hanesan: Iskova Nehan, Pasta Dente, Gayung no Be’e;
          3. Tau Pasta Dente iha Iskova;
          4. Tau be’e iha Gayung hodi Hakmumuk;
          5. Kose nehan halo moos;
          6. Fase ibun;
          7. Remata
Ezemplu leten ne hatudu mai ita konaba Algoritmu Kose nehan nian, ne’ebe ita hare katak Prosesu ne’e sei lao ho diak bainhira ita uja algoritmu (Prosesu tutuir malu). Hare ba Ezemplu leten ne’e, se bainhira prosesu hirak ne’eba mak balun laiha, entauk sei lao la diak ka Falla. Ezemplu deit prosesu leten ne’e mak numeru 2 laiha ka 3 mak laiha, sei la diak. Entaun ita estuda Linguajem Programasaun ida, ita tenke Komprende linguajem refere nia Algoritmu.


// Linguajem Komputador //

Linguajem Komputador sira tuir nia Nivel :

1. Linguajem Makina : Linguajem ne’ebe mak fo instrusaun ba Komputador liu husi Linguajem Binariu hanesan 1010110101010110101
2. Linguajem Baixo Nivel : Ka babain ema bolu dehan linguajem asembleia, refere ba linguajem hirak ne’ebe mai ho sintax sinkat deit hanesan MOV, SUB, CMP, JMP, JGE, JL, LOOP, nst…
Ezemplu : Linguajem Asembly.

3. Linguajem Mediu Nivel : Linguajem ida ne’e refere ba linguajem ne’ebe uja instrusaun ho simbolu-simbolu deit hanesan {, }, ?, <<, >>, &&, ||, nst…
Ezemplu : Linguajem C.

4. Linguajem Altu Nivel : Linguajem ida ne’e refere liu ba linguagem Programasaun ida ne’ebe mak utilija ita ema nia liafuan, hanesan begin, end, if, for, while, and, or, nst… (Linguajem refere Komputador sei lee husi serbisu Compilador ka Interpreter nian)
Ezemplu : Linguajem Java, PHP, Visual Basic, Pascal, nst...


Friday, June 14, 2019

Bainhira ema ruma vizita ita nia Blog no Le'e Materia balun iha ne'eba, dalabarak sira mos hakarak fahe ba sira nia Media Sosial sira atu ema seluk mos bele le'e ita nia Publikasaun refere. Maibe dalabarak ita la tau butaun share ka butaun fahe iha ita nia Blog, entaun difikuta tebes le'e nain sira atu sira bele fahe ita nia referensia refere. 



Media sosial hirak ne'ebe mak dalabarak ita utilija mak hanesan Facebook, Twitter, Google + no sira seluk tan. Objetivu husi share ba media sosial mos atu fahe deit konesimentu husi referensia balun ne'ebe ita le'e ba iha ita nia kolega sira hotu iha ita nia Media sosial sira. 

Widget share Media Sosial ne'e mos dalabarak sempre utilija iha blog sira hotu inklui blog ida ne'e. No iha Blog balun mos sira la tau ho sira nia razaun rasik. Maibe hakerek nain prefere liu ita tau Sosial Share ne'e ba ita nia Blog hodi nune'e bele dada mos vizitor foun mai iha ita nia blog ne'e.

Ho nune'e iha Publikasaun ida ne'e, hakerek nain hakarak fahe deit ba Blogeiru (Blogger) Timor oan sira oinsa bele estabelese butaun Sosial Share ba iha ita nia Blogspot ne'ebe ita iha.


Passu atu kria Sosial Share iha Blogspot.

1. Halo favor bele Login ba ita nia Account Blogger hafoin ba iha Theme (Tema) >> Edit HTML;



2. Buka <data:post.body/> iha Edit HTML ho mineira hanehan butaun Ctrl + F (Paste ba no Enter);



3. Hili kode krai ne'e ida hodi Paste ba iha <data:post.body/> nia Leten ka Kraik.

NB : 
      - Kode <data:post.body/> dalabarak ejiste barak iha Blog ida, maibe dalabarak liu ita uja segundu ka treseiru sira ne'e. (Bele Koko Paste kode iha kraik ne'e ba kada <data:post.body/> nia leten ka kraik)



4. Hotu ona bele Rai (Save) no Hare nia rezultadu.


Hili Kode ida ne'e ita gosta hodi tau ba!

1. Kode modelu dahuluk.


<script type="text/javascript" src="//s7.addthis.com/js/300/addthis_widget.js#pubid=ra-5b8cde6f08e1562e"></script>
<div class="addthis_inline_share_toolbox_ez7r"></div>

2. Kode modelu daruak.


<script type="text/javascript" src="//s7.addthis.com/js/300/addthis_widget.js#pubid=ra-5b8cde6f08e1562e"></script>
<div class="addthis_inline_share_toolbox_c7fk"></div>

3. Kode modelu datoluk.


<script type="text/javascript" src="//s7.addthis.com/js/300/addthis_widget.js#pubid=ra-5b8cde6f08e1562e"></script>
<div class="addthis_inline_share_toolbox_hdr0"></div>



Bom Susesu...

Espera ho maneira ida ne'e mos bele aumenta ita nia Vizitor halo barak....

@BloggerTL.


Saturday, June 8, 2019

Ola Belun sira, imi diak kalae! FI-TecLi kleur ona la Update tamba tugas mos hakas hela nia admin... hehehee...😂😅😅😆

Oya,,, iha loron ida ohin, hakerek nain hakarak share oituan ba kolega sira oinsa atu halo koneksaun Database MySQL ho java NetBeans IDE. Tamba hakerek nain mos iha Traballu balun ne'ebe relasiona ho Materia ida ne'e, nune hakarak fahe tutan deit nia maneira balun ba kolega sira hotu. Ok tuir mai ita akompanha hamutuk nia lalaok:


1. Loke ita nia Java Netbeans IDE hodi halo Projetu ida konaba Koneksaun husi Java Netbeans ba Database MySQL.


2. Kria ita nia Projetu Simples ida. Naran projetu tau tuir ita boot sira nia hakarak, maibe iha ezemplu ne’e hakerek nain tau naran Projetu mak Anotil.




3. Iha ezemplu ne’e mos hakerek nain kria Package ida ho naran koko.




4. Tuir mai ita kria Class ida ho naran koneksaun.



5. Hafoin ida ne’e, ita mai iha Libraries hodi aumenta tan Library konaba Mysql JDBC Driver.




6. Nune’e iha Libraries sei mosu Mysql JDBC Driver.





7. Hotu tiha, ita ba fali Class ne’ebe mak ohin ita Kria hodi tau coding SQL nian konaba koneksaun ba Database nian :


package Koko;

import java.sql.Connection;
import java.sql.DriverManager;
import javax.swing.JOptionPane;

public class koneksaun {
    Connection con;
    public Connection getConnection(){
        try {
            con = DriverManager.getConnection("jdbc:mysql://localhost/db_info","root","");
            JOptionPane.showMessageDialog(null, "Ita nia Koneksaun ba DATABASE Susesu");
        } catch (Exception e) {
            JOptionPane.showMessageDialog(null, "Ita nia Koneksaun ba DATABASE Falla");
        }
        return con;
    }
}
 


Hanesan iha imajem Kraik :



Esplikasaun :  
  • Hare ba iha Imajem leten, hakerek nain tau simbolu ida ba iha database ne’ebe mak hakerek nain ohin kria ona iha Lampp ho naran db_info. Bele troka db_info ho ita boot sira nia database nia naran ne’ebe ita boot sira kria.
  • Ba coding JOptionPane.showMessageDialog(null, "Ita nia Koneksaun ba DATABASE Susesu") mak sei fo sai mensajem konaba ligasaun database ne’e lao ho Susesu.
  • No mensajem ne’ebe mak sei fo sai katak ita nia koneksaun ba database sei falla mak JOptionPane.showMessageDialog(null, "Ita nia Koneksaun ba DATABASE Falla")

8. Hotu tiha, ita kria Form ida mak sai Main Method hodi bolu fali class koneksaun ida ne’e, maibe Form refere tenke hamutuk ho Class ne’e ita foin Kria iha leten ne’e. Nune’e ita uja Jframe Form hanesan iha imajem kraik ne’e.



9. Hafoin ida ne’e tau Form refere ho naran test_koneksaun (Ka tau tuir ita boot sira nia hakarak mos laiha impaktu ba rejultadu).


No sei mosu hanesan iha imajem Kraik:



10. Foti Button ida hodi mai tau iha Form ne’e no tau naran Test Koneksaun.







11. Agora ita tau action ba butaun ne’ebe mak ita foin kria iha Form leten ne’e ho maneira Klik dala 2 iha button ka Klik karuk iha button pois ba iha Events > Action >AcrionPerformed.