Saturday, June 15, 2019

Iha loron hirak liu ba hakerek nain Upload materia balun konaba Maneira Hamos Folder (Diretoriu) no File uja Java NetBeans IDE. Maibe agora dadaun ita sei aprende oituan konaba oinsa ita atu Troka FIle ka Folder ne'ebe iha ita nia Laptop laran nia naran tuir ita nia hakarak uja Coding JAVA Netbeans nian... Dalabarak ita Troka Folder ka file saida deit pasti ita troka diretamente iha Rename nian, maibe ita koko halo tok mudansa hodi uja Coding. 
Nia Vantajem iha maneira refere, bainhira ita hatene ona oinsa hamoos Diretoriu, Troka Diretoriu nia naran, Kria Diretoriu no seluk tan iha NetBeans; ita sei bele implementa bainhira ita kria Project bo-boot sira, hanesan Kria Aplikasaun Balun (Game) ka saida deit; tamba ita aplikasaun hirak ne'ebe ita Kria, bainhira ita install ba Laptop pasti nia sei Kria Folder, no seluk tan. Atu hateten deit katak maneira kikuan-kikuan hirak ne'e importante tebes no sira ne'e hamutuk mak ita foin bele Kria Projetu boot sira.


Ok Diak Belun sira, tuir mai ita ba hare Maneira Rename ka Trona Naran husi Folder ka File ne'ebe iha ita nia Laptop laran :

1. Hanesan babain, Loke Aplikasaun NetBeans IDE hodi kria tiha Project ida;

2. Hafoin tau Coding iha kraik ne'e iha ita nia Project Ne'ebe Kria tiha ona:

public static void main(String[] args) {
    File NaranAntes = new File ("/home/fidel/Desktop/Lukas");
    File NaranFoun = new File ("/home/fidel/Desktop/Ryo");
    boolean Rezultadu = NaranAntes.renameTo(NaranFoun);
       if (Rezultadu)
              System.out.println("File refere troka tiha ona nia naran ho Susesu");  
       else
              System.out.println("File nia naran seidauk troka tamba iha erru ruma");
      }

3. Bainhira ita tau Coding refere maka sei Importa tama coding File nia data ba iha Project refere, atu nune nia bele lee Coding File ne'ebe iha.



4. Bainhira hotu tiha, Klik liman loos hodi hili Run File ka hili butaun Running, no rezultadu mosu mai iha oin ruan:


  • File refere Rename tiha ona ho susesu entaun mosu mai :


  • File refere la Rename sei mosu mai hanesan iha imajem kraik ne'e:
 5. File refere sei la konsege troka nia naran bainhira iha fallansu ruma iha coding ka iha Lokalijasaun file nian seidauk idantifika klaru;

6. iha ne'eba hau troka file ida iha Desktop ho naran Lukas "/home/fidel/Desktop/Lukas"; maibe ita boot sira troka tiha lokasi sira ne'e tuir ita boot sira nian. No file ida Lukas ne'e hau troka tiha ho naran Ryo "/home/fidel/Desktop/Ryo", ita boot sira bele troka tuir ita boot sira nia lokalizasaun no naran foun ne'ebe ita boot sira harakak tau;

7. Bom SUSESU...!!!

Ok diak Guys,,, Bemvidndu mai iha Blog  FI-TecLi, materia ba publikasaun ida ne'e maka Maneira Hamos Folder (Diretoriu) no File uja Java NetBeans IDE.



Ne'e duni ba kolega sira ne'ebe hakarak hatene klaru liu tan bele KILK IHA NE'E.

Ola Belun Programador/a sira... Ita hatene katak bain-bain ema foin aprende sai Programador ka Programmer liu husi aprende Linguajem Programasaun sira, liafuan ne'ebe sira uja iha sira nia testing ka run ba dala uluk mak liafuan Ola Mundu, Hello World, ka Helo dunia...



Hakarak Aprende oinsa fo sai liafuan hirak ne'e ho Linguajem Programasaun JAVA iha NetBeans IDE, bele KLIK IHA NE'E.



Mundu Teknolojia nia prejensa halo mudansa husi manual sai dijital, halo buat ne'ebe araska sai fasil no halo buat hotu sai lais. Husi aplikasaun hirak ne'ebe dadaun ne'e ita utilija atu hafasil serbisu balun ho lais tebes kompara ho antes. Maibe presija ita hatene katak buat hirak ne'e hotu iha ema ruma ka grupu ruma maka kria ho nia esforsu no kapasidade tomak, ema hirak ne'e kuaje hatene no utilija buat ida naran Linguajem Programasaun. 



Tuir historia komputer nian, linguagem programasaun hahu rekonhese iha wainhira halo pesquija ba komputer digital iha tinan 1940-an. Linguagem programasaun hahu desenvolve besik tinan 1950-an no hahu ho lingua assembly  ne’ebé desenvolve husi komputer hodi haruka ba necessidade komersial nian.
Linguagem komputer ne’ebé mak primeira vez mosu mak FORTRAN ho ninia sigla mak hanesan formula translation. Linguagem ida ne’e halo husi  Jonh Bacus besik tinan 1950-an no to fali tinan 1960-an. Linguagem ida ne’e ninia benefisiu bot ba iha parte economia, bank no akuntabilidade.
            Depois de ida ne’e, linguagem programasaun hahu desenvolve ho ninia modelo ne’ebé mak diferente no ho funsaun ne’ebé mos lahanesan. Linguagem ne’ebé hahu desenvolve iha tempo ne’ebá mak hanesan COBOL ho ninia sigla mak Common Bussiness oriented Languange ne’ebé pesquija husi Grace Hopper no LIST ho ninia sigla mak List Processing ne’ebe mak pesquija husi Jhon McCarthy.No tuir fali mai, linguagem programasaun ne’e desenvolve liu tan no mosu tan linguagem programasaun sira seluk ne’ebé ho level a’as no multifuntion hanesa C, C++, BASIC, PASCAL no ADA. 


< Definisaun >

Linguajem Programasaun ka babain ema bolu dehan linguejem Komputador refere linguajem ida ne’ebe ema utiliza hodi haruka, manda ka fo instrusaun ruma ba Komputador ka ita ema uja hodi halo interasaun ka komunikasaun ho Komputador. Linguajem refere hanesan mos ho linguajen ita ema nia (Tetun, Ingles, Fataluku), katak bainhira ita komprende linguajem refere maka ita bele komunika ho Komputador.
/* Objetivu */
Objetivu Prinsipal husi Linguajem Programasaun mak ita Utilija hodi rejulta Projetu balun (Aplikasaun Komputador, Aplikasaun Android, ka Website)  atu rezolve Problema no nesesidade sira ne’ebe iha. Ezemplu hanesan Email, ema Uja linguajem Programasaun hodi rejolve Problema konaba Transferensia dadus ne’ebe iha momentu ne’eba sei manual, nune agora dadaun problema refere rejolve tiha ona ho prejensa Email no bele mos Sosial Media.
{ Algoritmu }
Hanesan Estrutura ka Formula ida hodi rezolve Problema sira utilija Linguajem Programasaun ho maneira Analiza Problema, Rezolve no Implemeta.

Ezemplu konaba Estrutura ka Algoritmu ne’ebe ita hasoru iha ita nia moris loron-loron.


Algoritmu Kose Nehan (Objetivu atu ita nia nehan moos, morin, Saudavel):
          1. Tama Haris Fatin;
          2. Prepara Sasan sira hanesan: Iskova Nehan, Pasta Dente, Gayung no Be’e;
          3. Tau Pasta Dente iha Iskova;
          4. Tau be’e iha Gayung hodi Hakmumuk;
          5. Kose nehan halo moos;
          6. Fase ibun;
          7. Remata
Ezemplu leten ne hatudu mai ita konaba Algoritmu Kose nehan nian, ne’ebe ita hare katak Prosesu ne’e sei lao ho diak bainhira ita uja algoritmu (Prosesu tutuir malu). Hare ba Ezemplu leten ne’e, se bainhira prosesu hirak ne’eba mak balun laiha, entauk sei lao la diak ka Falla. Ezemplu deit prosesu leten ne’e mak numeru 2 laiha ka 3 mak laiha, sei la diak. Entaun ita estuda Linguajem Programasaun ida, ita tenke Komprende linguajem refere nia Algoritmu.


// Linguajem Komputador //

Linguajem Komputador sira tuir nia Nivel :

1. Linguajem Makina : Linguajem ne’ebe mak fo instrusaun ba Komputador liu husi Linguajem Binariu hanesan 1010110101010110101
2. Linguajem Baixo Nivel : Ka babain ema bolu dehan linguajem asembleia, refere ba linguajem hirak ne’ebe mai ho sintax sinkat deit hanesan MOV, SUB, CMP, JMP, JGE, JL, LOOP, nst…
Ezemplu : Linguajem Asembly.

3. Linguajem Mediu Nivel : Linguajem ida ne’e refere ba linguajem ne’ebe uja instrusaun ho simbolu-simbolu deit hanesan {, }, ?, <<, >>, &&, ||, nst…
Ezemplu : Linguajem C.

4. Linguajem Altu Nivel : Linguajem ida ne’e refere liu ba linguagem Programasaun ida ne’ebe mak utilija ita ema nia liafuan, hanesan begin, end, if, for, while, and, or, nst… (Linguajem refere Komputador sei lee husi serbisu Compilador ka Interpreter nian)
Ezemplu : Linguajem Java, PHP, Visual Basic, Pascal, nst...


Friday, June 14, 2019

Bainhira ema ruma vizita ita nia Blog no Le'e Materia balun iha ne'eba, dalabarak sira mos hakarak fahe ba sira nia Media Sosial sira atu ema seluk mos bele le'e ita nia Publikasaun refere. Maibe dalabarak ita la tau butaun share ka butaun fahe iha ita nia Blog, entaun difikuta tebes le'e nain sira atu sira bele fahe ita nia referensia refere. 



Media sosial hirak ne'ebe mak dalabarak ita utilija mak hanesan Facebook, Twitter, Google + no sira seluk tan. Objetivu husi share ba media sosial mos atu fahe deit konesimentu husi referensia balun ne'ebe ita le'e ba iha ita nia kolega sira hotu iha ita nia Media sosial sira. 

Widget share Media Sosial ne'e mos dalabarak sempre utilija iha blog sira hotu inklui blog ida ne'e. No iha Blog balun mos sira la tau ho sira nia razaun rasik. Maibe hakerek nain prefere liu ita tau Sosial Share ne'e ba ita nia Blog hodi nune'e bele dada mos vizitor foun mai iha ita nia blog ne'e.

Ho nune'e iha Publikasaun ida ne'e, hakerek nain hakarak fahe deit ba Blogeiru (Blogger) Timor oan sira oinsa bele estabelese butaun Sosial Share ba iha ita nia Blogspot ne'ebe ita iha.


Passu atu kria Sosial Share iha Blogspot.

1. Halo favor bele Login ba ita nia Account Blogger hafoin ba iha Theme (Tema) >> Edit HTML;



2. Buka <data:post.body/> iha Edit HTML ho mineira hanehan butaun Ctrl + F (Paste ba no Enter);



3. Hili kode krai ne'e ida hodi Paste ba iha <data:post.body/> nia Leten ka Kraik.

NB : 
      - Kode <data:post.body/> dalabarak ejiste barak iha Blog ida, maibe dalabarak liu ita uja segundu ka treseiru sira ne'e. (Bele Koko Paste kode iha kraik ne'e ba kada <data:post.body/> nia leten ka kraik)



4. Hotu ona bele Rai (Save) no Hare nia rezultadu.


Hili Kode ida ne'e ita gosta hodi tau ba!

1. Kode modelu dahuluk.


<script type="text/javascript" src="//s7.addthis.com/js/300/addthis_widget.js#pubid=ra-5b8cde6f08e1562e"></script>
<div class="addthis_inline_share_toolbox_ez7r"></div>

2. Kode modelu daruak.


<script type="text/javascript" src="//s7.addthis.com/js/300/addthis_widget.js#pubid=ra-5b8cde6f08e1562e"></script>
<div class="addthis_inline_share_toolbox_c7fk"></div>

3. Kode modelu datoluk.


<script type="text/javascript" src="//s7.addthis.com/js/300/addthis_widget.js#pubid=ra-5b8cde6f08e1562e"></script>
<div class="addthis_inline_share_toolbox_hdr0"></div>



Bom Susesu...

Espera ho maneira ida ne'e mos bele aumenta ita nia Vizitor halo barak....

@BloggerTL.


Monday, May 27, 2019

Aplikasaun konverter hanesan aplikasaun ida ne'ebe utilija hodi halo konversaun entre numeru Binariu, Oktal, Desimal no Hexadesimal. Aplikasaun ne'ebe ita sei dezenvolve hamutuk sei utilija linguajem Programasaun Java ho Netbeans IDE.

Oinsa atu halo aplikasaun refere, bele download nia materia iha PDF tuir mai ne'e :



Tuesday, May 21, 2019

Bainhira ita boot hakarak dezenhu Diagrama iida ne'ebe furak ho fasil no lais, maibe lakohi atu halo instalasaun ba aplikasaun ne'ebe ho kapasidade boot, Gliffy Diagrams sai hanesan solusaun diak.



Gliggy Diagrams hanesan tools ka programa ida ne'ebe lao iha google chrome laran ho nia funsaun atu halo dezenhu ba iha diagrama saida deit maka ita hakarak atu dezenhu hanesan:

     - Flowchart,
     - Org Chart,
     - UML,
     - ERD,
     - Network Diagram,
     - Wireflam,
     - BPMN, no seluk tan.


Gliffy Diagrams mos bele loke file sira ho formatu hanesan .vdx ka .vsdx, .gliffy, .gon, .gxml.

Tools ida ne'e oferese maneira dezenhu ne'ebe fasil hanesan Drag and Drop, no bele utilija ho offline. Diagrama ne'ebe kria bele eksplora ho ekstensaun imajem hanesan .jpg ka .png.

Maneira Instalasaun Gliffy.


1. Loke Chrome (Web Browser Google Chrome),

2. Klik iha Pajina Gliffy Diagrams Chrome Store,

3. Hafoin klik iha "Add to Chrome",

4. Klik iha "Add App" bainhira husu konfirmasaun,

5. Remata no bele ona atu utilija.




Maneira atu utilija Gliffy Diagrams.

Hanesan bai-bain, bele loke ona tools refere no komesa dezenhu diagrama ne'ebe ita hakarak. Klik iha modelu ne'ebe ita presija no dada tama deit, hodi dezenhu tuir ita nia nesesidade.

Bainhira dezenhu hotu ona bele rai hanesan imajem ho maneira :

Klik iha File > Save as PNG/JPG.




Ejiste mos aplikasaun seluk husi Gliffy ne'ebe bele dezenhu mos diagrama sira ne'e, maibe tuir hakerek nain observasaun katak hakerek nain gosta no toman liu dezenhu diagrama ho Gliffy Diagrams.
Tan ne'e karik iha ideia seluk bele komentariu iha okos.



Obrigado barak...

Monday, May 20, 2019





Komponente fiziku ka babain ita bolu ho naran hardware hanesan sasan fiziku husi komputador ida ne'ebe iha ligasaun ba malu no ho nia funsaun ida-idak. Klaru liu mai ita akompana hamutuk esplikasaun hirak tuir mai ne'e:


1. Motherboard.


Hanesan komponente fiziku ida husi komputador ne'ebe importante tamba husi nia ita bele monta komponente sira seluk hanesan Processor, Hard Disk, RAM, Video Card, Sound Card no seluk tan hodi halo ligasaun ba malu hodi nune'e bele ih komunikasaun ba malu entre komponente sira ne'e.

2. Processor.
Karik komputador bele kompara ho ema, processor hanesan kakutak ba ema ne’e. 
Processor ka CPU (Central Processing Unit) mak  komponente komputador ne’ebe nia serbisu atu halo prosesamentu ka ezekuta instrusaun hotu ne'ebe utilijador hatama.
Molok sosa processor ida ita tenke buka hatene uluk, socket processor modelo saida mak ita nia motherboard ne’e iha, karik socket AM2, socket LGA 775, ka seluk tan.

3. RAM.
RAM habadak husi liafuan Random Access Memory, hanesan komponente fiziku husi komputador ida ne’ebe ho nia funsaun atu rai dokumentu provizoriu husi programa ida ne’ebe sei lao hela ka durante ita sei loke hela no dokumentus hirak ne’e bele asesu ho acak ka random. 
Molok ita sosa RAM ida, ita tenke hatene uluk Slot RAM modelo saida mak ita nia motherboard iha, karik SDRAM, DDR, DDR2, DDR3 ka seluk tan.

4. Hard Disk.
Hard Disk hanesan Komponente fiziku ida iha komputador ho funsaun hodi rai dadus Permante. Hard disk ho kapasidade bo’ot  iha ita nia komputador maka ita bele rai dadus barak liutan. 
Molok ita sosa hard disk ita tenke buka hatene interface hard disk modelo saida mak ita nia motherboard iha, karik  IDE, SCSI, SATA, ka seluk tan.

5. Video Card.
Video Card mak komponente fiziku husi Komputador nian ne’ebe ho nia funsaun  atu fo sai resultadu output grafiku ka desenu nian ne'ebe hatudu iha monitor.
Molok atu hola video card, imi tenke buka hatene uluk, slot Video card modelo saida mak ita nia Motherboard ne’e iha, karik slot PCI, AGP, PCI-X, PCI Express no seluk tan.

6. Sound Card.
Sound card mak komponente fiziku husi komputador nian ne’ebe monta iha motherboard ho nia funsaun mak atu kontrola konaba sound ka lian. Se ita rona muzika balun utilija headset ne'ebe liga ba Komputador ida, lian hirak ne'ebe ita rona ne'e maneja husi sound card. 

7. Power Supply.
Power Supply hanesan komponente fiziku ida hotu husi komputador hodi halo manejamentu ba eletrisidade ka ahi molok transfere ba komponente sira iha matherboard.

8. Monitor.
Monitor hanesan komponente fiziku husi komputador ne’ebe ho nia funsaun atu hatudu grafiku ne’ebe fo sai (output) husi video card. Monitor komputador barak ne’ebe iha merkadoria agora dadaun ne’e mak monitor CRT (monitor tabung) no monitor LCD maibe agora dadaun ema barak prefere uza monitor LCD (liu-liu iha edifisiu sira) tamba monitor ida ne’e laos deit ho modelu ne’ebe modernu, maibe mos iha forsa seluk mak poupa espasu no poupa eletrisidade.
 
9. Tekladu (Keyboad).
Keyboard hanesan komponente fiziku husi komputador ho nia funsaun maka fo instrumentu ho maneira hakerek (ketik) ba komputador ida. Alem de  keyboard standard, keyboard komputador agora ne’e iha modelu oin-oin, hanesan keyboard mini, keyboard fleksibel ne’ebe bele lulun, keyboard wireless ne’ebe bele uza bluetooth, no seluk tan.

10. Laho (Mouse).
Mouse hanesa komponente fiziku husi komputador ne’ebe ho nia funsaun atu muda kursor ba mai iha monitor no atu klik butaun ruma hanesan iha aplikasaun ka programa sira ne'ebe ita hakarak atu klik. Mouse mos iha modelu oin-oin, iha mouse standard, mouse ba jogus (gaming), mouse wireless ne’ebe uza Bluetooth, no seluk tan.  


Obrigadu barak ba belun vizitor sira, karik iha sujestaun ka opiniaun balun ne'ebe relevante hodi hadia diak liu tan konteudu refere bele manda ita nia komentariu iha koluna komentariu iha okos... ☺☺☺

Klaru katak ita konese no hatoman an ona ho sasan ida naran Komputador. Alem de utilijasaun tomak ne'ebe ita presija hatene, nune'e mos ita presija hatene historia no funsaun tomak ne'ebe maka relevante ho Komputador. Nune'e iha Publikasaun ida ne'e FI-TecLi sei fahe oituan konesimentu konaba Komputador ho nia funsaun husi kada komponente sira iha Komputador.



Saida Mak Komputador ?

Liafuan Komputador foti  husi lian Latina dehan "Computare" katak "Sura ka Konta". Tamba iha momentu ne'eba, Komputador kria halai liu ba iha kontajem Aritmatika, maibe ikus mai Komputador bele utilija mos hodi halo saida deit mak la relevante ba kontajem refere.
Husi Referensia barak esplika ho sira nia maneira rasik, maibe ho nia intensaun hanesan, katak Komputador mak Makina Eletroniku ida hodi hatama dadus no prosesa dizitalmente to'o ikus mai sei fo sai hanesan Informasaun ida.

Funsionamentu husi  komputador ida sempre iha interligadu entre komponente sira hanesan Hardware, Software no Brainware.

--> Hardware : Komponente fiziku husi komputador ida ne'ebe fizikamente ita bele hare no kaer ho liman. Ezemplu hanesan Monitor, Keyboard, Mouse, Printer, Scanner, Projektor, Hardisk no seluk tan.

Iha parte hardware mos sei fahe ba elementu tolu mak hanesan : Input, Process no Output.

- Input refere ba komponente fiziku funsiona hodi hatama dadus ba iha komputador. Ezemplu hanesan Flesh Disk, Mouse, Keyboard, Scanner no seluk tan.
- Process refere liu ba iha sasan fiziku ne'ebe funsiona hodi halo prosesu ba dadus ruma ka babain ita bolu dehan kakutak husi Komputador. Prosesador husi komputador konesidu ho naran CPU (Central Processing Unit) ne'ebe movimentu hodi halo prosesu ba dadus hotu iha komputador. Ezemplu husi Prosesador ne'ebe konesidu liu maka hanesan Intel no AMD.
- Output refere liu ba komponente fiziku hirak ne'ebe halao nia serbisu hodi fo sai informasaun ruma ho modelu imajem, testu ka lian. hanesan Monitor, Prozektor, Speaker, no seluk tan.


--> Software : Hanesan sistema ida ne'ebe halao nia serbisu iha komponente fiziku nia laran. Ezistensia husi software maka sei halao komponente  fiziku sira hosi lao tuir ida-idak nia funsaun. Hanesan Sistema Operative'e u ne'ebe eziste ida komputador ida hodi nune'e komputador refere bele lao ho diak. Ezemplu hanesan sistema Operativu Linux, Windows ka MacOS, no aplikasaun sira ne'ebe ita bai-bain utilija iha ita nia komputador ruma.


--> Brainware : Refere liu ba utilijador husi komputador ida (ema ne'ebe uja Komputador), tamba se laiha utilijador ruma maka komputador sei labele lao maske ejiste ona hardware no sotware.

No ikus liu atu lao ho diak keta haluha eletrisidade,,, wkwkwkwkw....

Bom Susesu...



Sunday, April 14, 2019

Ba belun hirak ne'ebe hakarak haklean konesimentu konaba Website, presija tebes atu konese no hatene utilija Xampp. Tan ne'e iha materia loron ohin, hakerek nain hakarak fahe ointuan konessimentu konaba Saida mak Xampp, Maneira halo instalasaun liliu iha Linux no oinsa nia utilijasaun.



XAMPP hanesan Software Livre ne'ebe suporta ba Sistema Operativu barak, ne'ebe halo kombinasaun husi aplikasaun balun. Ho nia funsaun atu sai hanesan Servidor ne'ebe hambrik mesak (localhost), ne'ebe maka kompostu husi programa Apache HTTP Server, MySQL Database, no mos tradutor ba Linguajem Programasaun Php no Perl.

Naran XAMPP mai husi sigla X (refere ba Sistema Operativu saida deit), Apache, MySQL, Php no Perl. Aplikasaun ida ne'e disponivel iha GNU General Public License, hanesan Web Server ne'ebe maka fasil atu utilija no bele atende ba iha Web Dinamiku.


Oinsa halo Instalasaun.

1. Uluk nanain konserteja tenki Download hafoin maka halo instalasaun. Bele Download iha nia sitiu Orijinal iha ne'e "DOWNLOAD XAMPP". 
Download tuir Sistema Operativu ne'ebe maka ita boot utilija. Maibe iha tutorial ida ne'e hakerek nain sei hakerek oinsa halo instalasaun iha Ubuntu.


2. Bainhira download ona, bele loke terminal hodi asesu ba iha Diretoriu ne'ebe maka rai aplikasaun ne'ebe foin download ne'e. aplikasaun refere hau rai iha Diretoriu Download maka hau sei asesu ba iha Diretoriu refere.



3. Asesu ba iha root hodi fo permisaun molok halo instalasaun.

$ sudo su
$ (password)
# chmod +x xampp-linux-x64-7.1.27-0-installer.run
# ./xampp-linux-x64-7.1.27-0-installer.run











4. Klik iha Next deit to'o hotu no ikus liu Klik iha Finish.



5. Hotu sei mosu pajina Bemvindu nian. No bele mos Start All ba aplikasaun sira atu hahu halo Projetu. (Hare iha imajem kraik)



6. Bainhira hamoris ka Start hotu ona aplikasaun sira, maka bele ona asesu ba ita nia server lokal liu husi web browser ne'ebe ita iha no hakerek deit maka localhost.

 
Parabens ita nia Prosesu instalasaun hotu ho susesu, bele ona halo projetu.


BONUS:

1. Bainhira hakarak hamoris xampp ho terminal bele utilija komandu tuir mai ne'e:

$ sudo /opt/lampp/lampp start

No hamate ho komandu:
$ sudo /opt/lampp/lampp stop

2. Web ne'ebe ita kria sei rai iha Diretoriu ida naran htdocs ne'ebe ejiste iha diretoriu /opt/lampp/htdocs hodi bele asesu iha localhost, no bele halao mos husi server ne'ebe instala ona maka Apache.



Karik iha sujestaun, Duvida ka kritika balun atu ajuda hadia konteudu husi Weblog ida ne'e halo favor hakerek ita nia opiniaun hirak ne'e iha koluna komentariu. Obrigadu no Bom Susesu.

@LinuxerTL
@FI-TecLi


SUPORTA HUSI

SUPORTA HUSI

VIZITANTE SIRA

Flag Counter

Kontaktu

Name

Email *

Message *

Logo FI-TecLi.info

Publikasaun Popular